--------------------------------------------------------------------------------
ارقصي بين حد الذنب والمغفرة
ارحلي في سكونك واسكني في الرحيل
ارجفي كنك الماء فززته حجرة
واثبتي كنك الفضه بعين البخيل
وانحني مثل غصن في طرفه ثمرة
واوقفي مثل فزعات بدوي اصيل
والفحي علمينا كيف تقدر مرة
تزرع الليل صبح وتزرع الصبح ليل
\\ فهد عافت \\
موضوع رايق كتير يستاهل من يلطشه لكم بعيد عن عين الرقيب
مع ان موسم الزواجات فل
بس يالله تذكروا الأشكال هذي في موسم قادم
يقال ان الرقص لغة الجسد // لغة الروح ....
وعندما ترقص المرأة .. فهي تتجلى وترحل الى عوالم اخرى ..
يسافر فيها الجسد الى مشاعر مترفة ..
وعندما ترقص المراة .. فهي تحرر الجسد من الرتابة ..
تترك للجسد متعة التماهي مع النغم ... تتجلى وهي تنثر شجنها
في عمق السفر الى الحلم .
يتلبسها الفرح لتكون نوايا الجنون حاضرة .. تنغمس في غفوة الحلم ..
وليظل الجسد بصحوه .. يملي عليها وصايا رغبة الانعتاق قيود اللحظة .
هناك من ترقص وهي تتبع حركات معينة ...
وهناك من ترقص بابداع تبتكر حركات مجنونة ..
*
*
*
وحدة جالسة بس كمراقبة لمنصة الرقص
تراقب اللي طالعات واللي نازلات من المنصة ووصفت لنا أوضاع الراقصات عليها ..
-1 المستحيه ..
يالله بالموت يجرجرونها للمنصه ..هذي اول ماتوقف تلقى وجهها ألوان قوس قزح
يجيب ألوان أحلى من فستانها وفي حالات يطقم مع لون فستانها ..
الطقاقه تطق وهي مشغوله تقرا المعوذات ..
لا وتدور حجج تشغلها عن الرقص ياتسحب فستانها ..ياتعدل شالها ..
هي تبذل جهد المسكينه بس مافي نتائج خارجيه
كل الهز والمقامز داخلي مو قادر يظهر للعيان ..تطيب نفس الطقاقه
وتوقف الأغنيه بسرعه رأفة بحالها
2- الغيورة
هذي ترقص وعيونها على اللي يرقصن معاها وشسوت هذي وشلون هزت هذيك ..
فتلقاها تبذل مجهود وطاقه أكبر مو كله طرب بس من الحره اللي فيها
وممكن يفلت لسانها بكم لعنه وشتمه ..هذي يستانسن عليها الطقاقات تشيشهن ..
هذي وجهها يقلب لونه كحلي من المجهود الجسدي والنفسي اللي تبذله
ومن الخمسه كيلو اللي حاطتها على وجهها
3- المرجوجه
هذي اللي يالله يتقضبونها ويقعدونها على الكرسي ..وحتى على الكرسي ترقص ..
هذي ماتاخذ نص ساعه بالعرس الا كل شي فيها معفوس ..سوري ايش نص ساعه ..
هذي من تدخل يالله تحذف عباتها وسيده حتى قبل ماينادون على اهلها ..هذي يحبونها
أهل العرس لأنها تحرك عروسهم ..من علاماتها المميزه الشال يسحب وراها ..
الا وين يسحب وراها قل ضيعته اذاكان العرس مزحوم ومو مرتب ..
وتشرب مويه كثير ..عشان تعوض كمية السائل اللي فقدته..
هذي وجهها تلقاه محمر .. هذي حتى ماتسلم بالعروس ..لأنها مشغوله لراسها
4- المغروره
هذي ماترقص إلا على أغاني محمد عبده..ماحد يستجري يرقص معاها ..
بنت أمها اللي تهوب ناحية المنصه ..تلقاها رااايقه ..على أقل من مهلها ..
الناس تعشى وتروح وهي ماخلصت ..هذي عيونها مانتزل للقاع
على بالها الناس فوق ..هذي تدخل جو ..وتندمج
وعندها طموح وجرأه كافيتين لدخولها المنصه والرقص على طرفها ..
5- اللي بالزاويه
أختنا بالله حليله وطيوبه ونيتها حسنه وتبي تشارك الناس فرحتها بس مافي مجال ..
ترقص وتذبح حالها بالرقص بس ماحد داري عنها ومعبرها ..حتى ماحد يشره عليها ..
يمكن وفي حالات نادره تنتبه لها الطقاقه وترفع لها معنوياتها بعبارة يالابس أحمر أطلع ..
هذي توذي العالم بكثرة سلاماتها .ممكن لما الناس تروح تتعشى يفضى لها الجو
6-الغبية
اللي مالها في الرقص وتدور وهي تقلب عيونها في السقف توطي في البنات ..
7-العاقله
تؤمن بمقولة من صبر في الشده شارك في النعمة ..فتمسك نفسها وقت المغرورة
والغياره وبعدين تفكر بنفسها ..
*
*
هاااااااااه
وش رايكم
14-03-10, 08:06 PM
ارقصي بين حد الذنب والمغفره
دمت_لي_فخرا 
العرض العادي
